أبو فهد للدار والدِّين صمام

الحمد للي عزنا بدين الإسلام
الواحد اللي كل مسلم يطيعه
والشكر للي للحرمين خُدام
حكامنا اللي مطبقين الشريعه
راحت ثلاث سنين عامٍ ورى عام
من حكم سلمان المحنك سريعه
القايد اللي للوطن درع وحسام
وشعبه على جنبه حصون منيعه
صقر الجزيره من سلالات حكام
للقائد الحازم مواقف رفيعه
وحنا نجدد بيعته طول الأيام
بأعناقنا لولاتنا اليوم بيعه
أبو فهد للدار والدين صمام
وأمن وأمان ولا نعرف الفجيعه
ما عاد به فاسد وسارق وظلّام
وما عاد للظالم علينا ذريعه
والمملكه تبقى على مر الأيام
دارًا لنا وترابها ما نبيعه