حكام عدل مطبقين الشريعة

خطب جلل عم الوطن بالفجيعة
رحيل خادم بيت ربه والإسلام
فهد رحل كل الوسايل تذيعه
فجيعته تصدرت كل الاعلام
عزاي للشعب السعودي جميعه
واعزي ضعوفه وارامل والايتام
عساه بالفردوس داره رفيعه
في جاه من نزل تبارك والانعام
خدمة اكتاب وبيت ربه شفيعه
الخير والمعروف يلقاه قدام
بالخير عشنا اسنين حكمه سريعه
مرت كما الايام لو كانت اعوام
عشرين واربع عايشين بربيعه
الشعب حقق له امانيه واحلام
كل العرب وسلام تشكر صنيعه
يدعيله الطايف على البيت بحرام
واليوم عبدالله عطيناه بيعه
وسلطان غيث الخير للشر لطام
على الكتاب بكل حاله نطيعه
بالدين امره خادم البيت وامام
الشعب بايع بالفجوع الوسيعه
بقلوبهم قبل التواقيع واختام
خير الخلف معهم وطنا وديعه
في ظل حكام السعد نرفع الهام
حكام عدل مطبقين الشريعه
قرآن والسنه مصادر للاحكام
لاما نخاف ابليس والا تبيعه
وحكامنا للبيت والدين خدام
نفخر بعمر بالشهاده نبيعه
ونفخر بذكر الله على خضر الاعلام
وعزا الوطن تبقى حصونه منيعه
ويبقون آل سعود قاده وحكام