هذا نصيبي

حتى أني أعرف منك وش كان طيبك
كان اختلاف الراي غير نواياك
هذا نصيبي معك وأنت ونصيبك
من يوم جا يوم عن الناظر اخفاك
أكثر مافكر فيه يوم يجيبك
يوم مثل مافيه تلقاني القاك
وتشوف عن صادق مشاعر حبيبك
مايخدعك من قال لك قادر انساك
ماهو يحاول في خطاه ويصيبك
حتى لو انه يعرف اقصاك وادناك
ماينفعك باكر اليا جان غيبك
وانت اتعرف ماطاب لي عمر اشقاك
من قبل لا يوم ابتدي وانتهي بك
غير مسيرة طيبة ترضي اعداك
يبقى الامل والا حسيبك حسيبك
ليلان الرشيدي