نفح العبير

ريح زهر الروض فواح العطور
انورت دنياي بالنور المنير
يا هلا مليون ياغايب شهور
عادة غياب القمر عمره قصير
وانت غبت ابزود يابدر البدور
آه يالك وحشة وسط الضمير
البلد عقبك تقل مافيه نور
ياوليف مالك بقلبي خشير
مال غيرك في حياتي ,,أي دور
والله إنك غير واللي غير غير
لك بقلي ولف ولغيرك نفور
شوفني قدمك من الفرحة بطير
ما نقصني غير جنحان الطيور
فرحتي أكبر من التعبير,, مير
ليتك اليا اشتقت لك دايم تزور
يكسب الفرحة بشوفتك النظير
مع حضورك للهنا يمي حضور
يا جميل أوصاف وأخلاق ومسير
زين غيرك فيه مع زينك قصور
كل شيء فيك جذاب ومثير
يستميل القلب ويهز الشعور
من قدمك لهامتك كلك خطير
ياكثر زينك وياكثر الغرور
والمراية ما تزيدك علم خير
كلما ناظرتها مير معذور
لك بحق تموق في نفسك كثير
زايدن زينك وفي عمر الزهور
زين وانا قالوا وليفك زين ,, أغير
ليه مدري ليه؟ لكني غيور
سرور سفاح المطيري
المذنب