كل الناس

جتني وانا ماني مصدق عيوني
قالت احس بشي بينك وبيني
قلت العفو والشمس دونك ودوني
قالت اعرفك! قلت ما تعرفيني
واجد جفو دنياي يوم عرفوني
قالت على عيونك سحاب حزيني
قلت الحبايب كل ابوهم جفوني
قالت ذبحك الياس قلت اعذريني
مات الامل عندي وخابت ظنوني
خليني اسبح في هواي اتركيني
وحيد ضايع في أساي وجنوني
قالت لك الله عقب هذا تبيني
انساك وطعونك تشابه طعوني
وصاحت احبك قلت لا تذبحيني
تراي انا حتى هلي يكرهوني
من وين جيتيني عقب هالسنيني
وشلون جيتيني عقب ما نسوني
خذي حياتي يا بعدها خذيني
ما دام كل الناس ما عبروني
عبد الرحمن القاضي
(مخاوي سهاد)