العيد بالتقوى

العيد ما هو بالثياب الجديده
يا مفصلين اثيابكم في حرا العيد
العيد بالتقوى وحسن العقيده
ماهوب موضة لبس ولاّ تقاليد
ولاّ شرا حاجات ما هي مفيده
ما من وراها غير دوشة وتعقيد
واللي يحق اله الفخر يوم عيده
ويستقبل جموع المهنيين بالعيد
هو التقي راع الصفات الحميده
اللي تعنا للمساجد تراديد
يزورها يمشي ولو هي بعيده
ما يلحقه من شان دينه مناقيد
صلّى وصام ويطلب الله يزيده
اجر من المولى صدوق المواعيد
في كل فرض لخالقه يرفع أيده
يطلب عفو رب السموات والبيد
ينجيه ربه يوم يحشر عبيده
في ساعة منها تشيب المواليد
وتمت بذكر الله بيوت القصيده
سبحانه اللي وكد الدين توكيد