أهني الصايم

من عقب شهرٍ كله صيام وقيام
وللست من شوال شد الحزامي
أجرك على طول الدهر ثابت وتام
والشكر للرحمن رب الأنامي
اللي فرض عيدين في دين الإسلام
تكريم للمسلم زهى كل عامي
فيهن تجلى فضلهن بين الأيام
مير البلايا هل النفوس الكرامي
كم عيلة بالعيد لا لبس وايدام
الأب معدومٍ طول الهيامي
حاله براه الهم من جور الأعوام
في عسرٍ وين اللي عليهم يحامي
والبعض الآخر حالهم مثل الأيتام
تذكروا ناسٍ ضعوف ويتامي
تلقى الجزاء يا فاعل الخير قدام
لا من كسوك من الخرق ثوب خامي
وحطوك في قبرٍ عليك الثرى صام
هذاك يومٍ ما يفيد الندامي
الخير لك سترٍ عن النار وحجام
والشرّ يهوي بك ابصال الجحامي
حذراك عن درب المعاصي والآثام
فهد بن عبدالعزيز الرميان - بريدة