كامل الأوصاف

الا واشيب عيني يوم قالوا لي فمان الله
وتحققت انهم من عقب جمعاهم مقفيني
تغايا لي خيال الموت يومه مد لي يمناه
ولدّ بعينه الخرسا عقب ما اقفى يراعيني
نهتّ وقلت مما جال بالصندوق واعزاه
سراب اللال باكر يطرّد ما بينه وبيني
حلفت برب خلقه لو يطول البعد انا ما انساه
انا وشلون ابيع اللي من العربان شاريني
تصبر يا خفوق صار داه اليوم وسط ارداه
على رجوى ان رب العرش يدنيهم ويدنيني
مثل ماخذت قلبي قلبك المحبوب عطني اياه
على شان انتساوى في المحبة بالموازيني
ايلا قارنت غيرك بك خجلت وقلت: وانقصاه
انا وشلون اقارن كامل الأوصاف بالشيني
ولو هو في حلى يوسف كسف لي بنت نور اضياه
وختم القول رب بك تبلاني يقويني