أهلاً هلا من كل الأعماق يا أمير

قصيدة ترحيبية بمناسبة قدوم صاحب السمو الملكي الأمير سلمان بن عبدالعزيز.. حفظه الله.
أهلاً هلا من كل الأعماق يا أمير
يعلن بها قلبٍ وفاكم يزيده
فخر ووفا وأسمى التراحيب تقدير
يا تاج مجد العاصمة يا عميده
فرحة قدومك للمواطن تباشير
ونجدٍ وأهلها في قدومك سعيده
زفت تراحيب الغلا نجد توقير
باللي مواقفه العظيمه عديده
سلمان واسمك فخر بين المشاهير
بأفعالك اللي بالجزاله مجيده
في كل مبدا يا حكيم الأشاوير
مبداك سامي والسجايا حميده
مجدك وجودك فاق كل المعايير
بالطيب جعل سنين عمرك مديده
يا أبو فهد تفرق فعولك على الغير
الرأي نادر والهقاوي بعيده
الله يحفظك يا ذرا المجد ويجير
رأسك من صدوف الزمان الشديده
يا أمير نجد اللي بها منبع الخير
نجدٍ وأهلها في قدومك سعيده