يا مدعي بالطيب

وين أنت رايح
الطيب منا وأنت ممشاك منا
دقق بأمورك لا تبين الفضايح
وان بينت تلقى العنا في زمنا
لا تحسب أنك تستحق المدايح
يوم أنت من بين الأوادم تثنا
فيك الرها وبجو الأوهام سايح
مالك جدى إلا في حياتك تمنا
دعواك ضاعت مع هبوب الروايح
يا من على نفسه وغيره تجنا
تنصح ولكن وش تفيد النصايح
ما دام فعلك عن كلامك تدنا
ما انتب كريم من وجيهٍ فلايح
يفرح بضيفٍ من دياره تعنا
صيته مثل برق على الناس لايح
عن كل طيب ومرجله ما تونا
للضيف قلط من أخيار الذبايح
كمل مواجيبه وضيفه تهنا
ما هو مثل من صر درّ المنايح
الله يبعد راعي الشح عنا