بعض السوالف

ياللي تعرف الكيف شب الجثامير
وقرب دلالك دامت النار حيه
بن اليمن جوف الدلال المباهير
اخير من صبته فالزمزميه
صوت بجذاب الرجال الخطاطير
طراتها في صبح ولا عشيه
وان جوك عطران الشوارب مسايير
رحب وباادر بالعلووم الطريه
تلقى علوم تشرح البال وتنير
عند الرجال اهل الوفى والحميه
واليا نقدت الهرج مثل الدنانير
ترا السوالف بين حسنه وسيه
وبعض السوالف مثل رووس المسامير
لا تعترضها دام نفسك غنيه
هذي طرات البال عند المناعير
تمر الخلاص ودلة شاذليه
راعي الوفى ما يلحقه كل تقصير
يوفي وتوفيه الرجال الوفيه
والبخل وسم فالوجيه المغابير
ولا الصخى تاج الرجال الصخيه
وصلاة ربي عد وبل الشخاتير
على شفيع الخلق خير البريه