يالله بنو بارقه يشعل اشعال

يا الله بنواً بارقه يشعل اشعا
نواً ثقيل وفيه خير وتباشير
يسقي ديارٍ اجدبت عقب الامحال
ويعمها باالغيث وال المقادير
ومافيه شعب الا به السيل قد سال
وتملى الخباري من صدوق الشخاتير
والعشب شوفه با الوطى يشرح البال
متخالطٍ فيه النفل والنواوير
وفيه ام سالم تلعب الصوت موال
تلعب طرب مع سجةٍ تطرب الغير
مع الرجال وخوةٍ مالها امثال
خوة نشامى ماتحسب المخاسير
نقوة رجالٍ مابهم شك واجدال
اهل الوفا واهل الوجيه المسافير
راياتهم بالطيب في راس ماطال
وبالجود والخوه تفوق التصاوير
والنار مشبوبه على زين الافعال
والكيف مع شرب الدلال المباهير
يسلى بها قلبٍ به الهم مازال
ويلقى بها عن زحمة الناس تغيير
نواف بن محمد الصخابره