بحر الأشواق

الله من هاجسٍ بأقصى الصدر حدَّه
والقلب يصلى على نيران وقّاده
ليا ابتعد يوم.. نسناس الهوا ردَّه
في كل ليله على وقته وميعاده
على الذي قد فتني فيه من مدَّه
والروح له من قديم الوقت منقاده
اللي كما لمعت البلور في خدَّه
لولاه في خدته حسبته قلاده
عامين عايش ما بين وصاله وصدَّه
ما بين لحظة رضاه وجاير عناده
بتلت أجاريه في هزله وفي جدَّه
الين وثق حباله وأحكم أصفاده
في بحر الأشواق أخذني جزره ومدَّه
ولقيت مرسى غرامي ساحل بلاده
له مجلس بالحنايا انبنا قدَّه
ما وسطه إلا مكانه بس.. وشداده
تموت نار الغلا لا صافح بيدَّه
وتشب في خافقي لا غاب بزياده
وآخر كلامي على الطاروق والشدَّه
شرع المحبين عدله ظلم كالعاده
عمر الوفا ما يقدر منهو يودَّه
يموت راع الهوا ما حصل مراده