يا ما عطيت

يا جرح لك في داخل الصدر صولات
طولت يا جرح العناء ما تعافيت
مرت سنين عجف في صمت وسكات
عايش معي مهما أتبصر وسويت
لك الله إن الطرف يا جرح ما بات
من يوم خلخلت النحايف ودشيت
أقضي ليالي الناس في هم وآهات
وأغفى ثواني لشرق النور وأضحيت
يا جرح وكفوف الليالي بخيلات
يا ما عطيت بجود يا ما.. وضحيت
ابي أوعدك يا جرح لأقف بمثبات
وأنت أكثر الآلام لمن ترخويت
ويرقى بهمّك في الجبال الطويلات
وأتعبك دامني على الصبر همّيت
يا جرح بعض الناس لا منها جات
وقت الشدايد ينثني ما نطق ليت
وأنا لك الله في الظروف الصعيبات
أظهر ولي بالباس مضرب ولي صيت
بصبر وتالي الصبر برد وسلامات
وبودّعك لا ضقت مني وقفيت