غربال المودة

من الاوجاع وأنواع العذابي
عذابي لا تذكرت الولايف
دموعي كنها وبل السحابي
تهل الدمع عني من عناها
وعنى عيني من أسباب الذهابي
اكاظم عبرتي وسط الجماعه
وسولف وابتسم وأخفي صوابي
أخاف أطيح من نظرة ربوعي
هل الطالات عالين الجنابي
ولا من جيت لي في فج خالي
من الغربال ظفري طق نابي
الا يا شين غربال الموده
يشيّب بالولد لو هو شبابي
ولا يا شينها لازل منهو
غلاه بداخل الاعماق رابي
وكرر زلته تسعين مره
وهو يدري وكنه ما درابي
ولا مني سألته قال عفواً
سؤالك ما لقينا له جوابي
وأنا ماني بخاضع له ولكن
أبا استفسر قبل لا صك بابي
لأني لو قفلت الباب دونه
يبي يتعب ويبطي ما حظى بي
مرزوق الجذع