هاجوس الضماير

الا واوجودي كل ماهبت الانسام
وفاحت غصون العود فالمرتع الخاوي
ولو ما بقى لي غير غصن وورق وحطام
القب من أوراقه على ورده الذاوي
اسير بهاجوس الضماير مع الاحلام
مثل ما يقولون الروايه مع الراوي
اعيش الطرب لحظة واعيش الهموم انغام
جروح الزمان المبطيه مالها مداوي
صبرنا وراح الصبر بين الحنايا اقسام
لو الحب لا يرحم بسفيه ولا ياوي
علامك تسبب لي سبايب بدون احكام
وانا ما تعوّدتك على المخطيه قاوي
عليك العتب من هامتك لاسفل الاقدام
يصير العتب في ناظر الشوق متساوي
ليا جيتني بالهجر نار وفشق وحزام
اقابلك بسيوف المفارق ولا راوي
ما جاملك بسلوم المحبه مع الايام
اوادعك مثلي يوم جيتك وانا هاوي
ولا ذكرك في ذكراك من ذكريات العام
اباانساك واعطرك من عودك الجاوي