حبيبي والمسا عمري وحلمي نجمه الهاوي وبقايا جذوة الصبر العظيم تموت في يديني أمانه كان ميزان الوصل والفقد متساوي تريض لين يشبعك النظر وتفيض من عيني ياأول من دهل قفر الخفوق وعشبه الذاوي ياأول من زرع حبه على ساقي شراييني ياشرح الحسن بانفاس القصيد وهرجة الراوي ياواقع من خيالٍ كل لمحه فيه يغريني تخيل لو رحلت وصدري اصبح منزلٍ خاوي من اللي عقب ماترحل بينزل به ويرضيني وجودك يالفريد أنفس طلب للروح ويداوي بعض حمّى الوداد اللي ربط ما بينك وبيني سنيني معك تنشد عقب هالمشوار وش ناوي وانا في حروة انك ماتجاهل مدة اسنيني اسرح كل يوم ٍعلم بعدك والمسا ضاوي واقلط له صنايا من هجوسي يامعنيني حبيبي قدّ ماني في تفاصيل الهوا هاوي اموت بغيبتك وادنات شيٍ منك يحييني امانه ياكيان من الزهر والبز والجاوي اذا ناوي رحيل ارجوك لحظة لين يمديني ادثر مابقابي من شعور وجسمي الثاوي وامد الك النظر كآخر نفس .. يمكن يعزيني عبد الرحمن المريبيط
