مرحوم يا شيخٍ تقافت نجوعه

الشيخ/ جازي بن هجاج الوسوس الفريدي
دنياك يالغافل تراها خدوعه
ملزوم تاليها غرابيل وفجوع
ما كل ملخوق مشت له بطوعه
تقبل وتقفي والفرح يتبعه روع
ما باس يا عين هللها تزوعه
عيّت تهيد من البكى من لها اسبوع
عليك يا نجم تعذر طلوعه
غاب وتغيّب غيبةٍ ما بها رجوع
ما فات فات ومستحيلٍ رجوعه
يا الله بحسن الخاتمة داخل القوع
النفس ما هي للمقدر جزوعه
مار القلوب تهزها شدة اللوع
مرحوم يا شيخ تقافت نجوعه
شيخ من الخالق به الطيب مزروع
شيخ يمد وللرفاقه نفوعه
ما هيب شيخاتٍ على النصب والجوع
ما كل شيخٍ يفقدونه ربوعه
إلا مثل شرواه بالوصف والنوع
جازي لياشحت يدين الهبوعه
اللي بناله مع هل النعم مشروع
عدٍ لورده ريهجانٍ شروعه
والا الردي ذكره لعانيه قاموع
ليت الفدا عنه العفون التبوعه
راعي هلا للضيف لادنق الكوع
صياني فيها العداو مهزوعه
ومجالس يحرق بها العود ويثوع
عسى شفاعة كل نفسٍ شفوعه
تشفع لبو نواف سجاد وركوع
يا الله تسنّع بالمواجه سنوعه
في جنةً خضرا بساتين وزروع
من يبذر الطيّب جنا مثل نوعه
عسى الخلف مثل السلف فعل وطبوع
عساه صيبٍ ما تقطّع تبوعه
جعل الحيا مثل الذي قبل متبوع
حمود بن محمد الفريدي