ثلاثيات

يا ذاك روحي على لاماك منتله
تلة (مكوك الفضا) من قاعدة ناسا
لا وقّدوا حدره البترول واشتله
وأخلى من القاع وأحرق تربته واسا
عليك يا من خيال الفكر تحتله
والقلب ما هوب للي خذت له ياسا
حمد الأسعدي
وش فيك متضايق عسى ما حصل شي
ما عاش من ضايقك يا عيون خلك
صوتك.. من الآهات في نبرته كي
وضيقتك هذي ما هي بعادةٍ لك
إنطق تكلم. حس في موتة الحي
ما ابيك تسكت والليالي تذلك
سحايب خير
يا مسهر عيوني.. وش بعد مابقا
دوك أحاسيس روحي كلها تشتكى
عشت رسم الموده في عذاب وشقا
بين واقع جروح.. وبين صمت الحكي
كل ما جيت أعاتب قلت: كنا عشقا
وقلت كنا.. وكنا..بس لو تدركي