ضحكة سن

يا صاحبي ترى الغلا.. له مواري
ما هو بضحكة سن وهروج ومزوح
لابد تطلع له دلايل إجباري
وراعيه لو حاول يخفيه مفضوح
وشلون تنشد وأنت بالوضع داري
ياللي ملكت العقل والقلب والروح
خليتني ما بين بايع وشاري
وخطاك مهما صار منسي ومدموح
إن كان طاري لك بوقتك طواري
خل المجامل عنك تراك مسموح
لا تحسب إني في غلاك انتحاري
عندي معزة نفسي روحي وأنا أروح
يا بنت أنا نفسي عزيزة وأداري
وطرد المقفي ما لنا فيه مصلوح
متعب مبارك بن حسين العازمي