يكتبها : قصّاد

بيت وبيت

يمكن يعيش العمر من دون هفوات
طلال السعيد
لاصار يمشي والنوايا سفيره
لوزل يتبع سيئاته بحسنات
***
الهوى لاهب في قلب رجالٍ (جزوع)
والله إن يصبر برى الجرح وإلا مابرى
ضيدان بن قضعان
الجزوع اللي عن الصبر تنفاه الدموع
يشتكي ويمل لوقلت (تكفى إزحف ورى)
***
المشكله وإن شاركك فيه غيرك
لاصار كنه ماهو قلبك لحالك
محمد صلاح
والمشكله لا عطّل الوزن سيرك
وأنت الذي بالشعر واضح مجالك
***
من ديرة الذنب جيت أدور التوبه
على (مطايا) قصيدي راكب (شدادي)
عبدالله عبيان اليامي
يالشاعر اللي على شداده ومركوبه
عدّة مطايا ولفظ (شداده فرادي)
***
أنت ياللي حضورك في غيابك غياب
وأنت ياللي غيابك في حضورك حضور
بدر الظاهري
نفسي أسألك وابغا منك رد الجواب
أنت وش حدك لها البيت؟! كنك تدور!!
***
أضيع في سودك وطلّه جمالك
كل الجمال اللي مع الناس بيديك
تركي المريخي
ماغير زين يديه حاضر ببالك
ليتك بدل (بيديك) حطيت (حاويك)
***
بانت لقلبٍ عنك شام,, كل النوايا الخايبه
وكشفت عهدٍ بينكم بالجرح والسكين
تغريد العبدالله
لو إعتبرنا إنك بوزن الشطر الأول صايبه
الشطر الآخر فيه كسر الوزن ليتك تفطنين