كنا صغار

مرت سنين وتغير كل ما فينا
حتى هوانا كبر معنا ولوعنا
كنا صغار كبار في هقاوينا
واعف واطهر غرام كان يجمعنا
كنا جميع وشرفنا ما يخلينا
وعن كل علم يدنسنا ترفعنا
لو عذري الحب يطمعنا ويسقينا
لا ماضمينا على الدنيا ولا جعنا
ناخذ من أيامنا والعمر يعطينا
وعناية الرب تبصرنا وتسمعنا
ما كان شي مع هالناس يعنينا
إلا متى بنتواجه لاتوادعنا
كنا كذا وابسط الأشيا تسلينا
وشبر من الأرض أنا وياك ياسعنا
نكشف ظلام الدجى بانوار أمانينا
وسوالف الشوق تدفعنا وتمنعنا
ما تذكرين أول خلاف بماضينا
يومك زعلتي على سالفتي الرعنا
ما تذكرين العواذل يوم تطرينا
اللي سمعنا نصايحهم ولا طعنا
يذكرك بالخير يا ماضي ليالينا
كم ضاع من عندنا عقبك وكم ضعنا
انتي وأنا واحد والجرح ثانينا
والهم والخوف ثالثنا ورابعنا
والغايب اللي على جياته وعينا
كان أمس قدامنا واليوم يتبعنا
إن كان قصده على الفرقا يضربنا
حنا نشينا على الوصل وترعرعنا
مثل الجسد عضو وعضو تصافينا
من كان وده يفرقنا يقطعنا
تقسى ظروف الزمن والا تراعينا
والا علينا تجي والا تجي معنا
يبقى هوانا من أولنا لتالينا
اعز ما نملك وذروة مطامعنا