قصيدة في رثاء الشيخ الراحل بندر بن عمر بن ناحل رحمه الله . . لا حلم لا هو فلم لا هي هواله علم يشل أعصاب ويبرد عظام اطول دقيقة خلت القلب عاله على عضاي ووزعت في الآلام من يوم كلم ما يجمع مقاله وانا ادري اللي يقوله نبا هام قلت الفقيده قال حلال قاله بندر عطاك اللي بقاله من ايام اللي يشيل الحمل هدام شاله اقفا فقيدة حرب لفوه بالخام مرحوم ياللي قبل موته بناله مجدٍ بنجد اليا تهامه ايلا الشام كل ينعم له اليا جا مجاله طير السعد عوق الجزيله اليا حام كله طموح وقو باس ورجاله قبل مشيبه رام تحقيق الاحلام شوحه بعيد وتهتويه الجزاله يرومها لو دونها الموج لطام يصخّر جهوده ويرخص حلاله وليا تقلدها على صدره وسام تزها جنابه ما ختلها ختاله شيخٍ عطاها حقها بذل وقدام لا مال حمل المستجير ارتكاله انا اشهد انه يرفع الراس لا قام ما هو ريا موقف ولا بي جهاله وان قلت مهما قلت لا قلت ما نلام عزيت نفسي قبل اعزي عياله وارفع تعازي للقبيله بالاعلام واعزي اللي لا تضايق طراله بندر حزام اللي بلا درع وحزام ذا قول منهو ما يحب الاطاله ياخذ من الواقع بعض روس الاقلام احدٍ تعزي به عمامه خواله واحدٍ تعزي به قبايل وحكام في موت رمز من رموز الشكاله مدري ولكن بس يا كثير الايتام هاذي هي الدنيا على كل حاله محد يدوم وصفوة الخلق ما دام يالله يا غفار يا ذا الجلاله يا عالم خاف الضماير والارحام ما غيرك احد يا الهي نساله اجعل مقره خلد جنات الانعام يا من يظلل عن جهنم ظلاله آمين ياللي بالخفيات علام
