ذخري الى كثرت علي الكلايف

في رثاء الشيخ الفريق الركن بندر بن ناحل رحمه الله
رقماً محيته ليتني ما محيته
رقم الصحيب اللي علية الحسايف
جاب القدر لي الخبر ما حتريته
وتأثرت منه الضلوع النحايف
الله من همن بروحي شكيته
حزنٍ على فقد الفريق ابو نايف
يا سامعي يا ليتني ما نعيته
وليت السهم عن روح مثله مسايف
لكن ما ينفع قول ليته وليته
حل القضاء اللي فيه طوي الصحايف
عزيت روحي والعزى ما قويته
فاضت دموعي فوق خدي ذرايف
على حفيد مطوعين النعيته
وعلى كرمهم شاهدين الطوائف
وهو ضد من فيهم فعولا مقيتة
اليابينوا سود القلوب اللغايف
كسب رضا الدولة ابفعله وصيته
مع درب جدانٍ اسيرهم طرايف
وأنا اليامني ابيته نصيتة
علاني بروس الطوال النوايف
وان زارني راعي لزوم او نخيته
عوت من عنده همومي خفايف
واليوم لو عنيت له ما لقيته
لا صوت مسموع ولا شوف شايف
جعل الكريم اللي فرض حج بيته
يجبر عزاء اللي ذاق فرق الولايف
ويمحي خطا الميت ويجعل مبيته
بخضر الجنان امكملات الوصايف
والله ان تقضي مدتي ما نسيته
ذخري اليا كثرت علي الكلايف