أبو نايف

السلام ورحمة الله يبتدا به
والتحايا ترفع لسمح القبال
ابو نايف ملتجا منهو انتخى به
يا فنار المجد يا عطر المجال
انت حر كله شموخ ومهابه
وانت تاج للمراجل والرجال
فيك مجد.. وفيك عزم.. وبك صلابة
وفيك طيب فاق لحدود الخيال
كل فخر كل مجد ينهقى به
فيك يبدا.. ينتهي ما به جدال
يا كريم المد.. يا يمنى الرحابه
لا عطت يمناك ما تدري شمال
فزعتك لا ما بها أية غرابه
عقلك اللي كله حكمة واعتدال
صدرك اللي ممتلي طيب وحبابه
جامع للعطف ولطيب الخصال
لا ذكروا سلطان كلش ينلقى به
معرب الجدين عمان وخوال
هو ذرى المحتاج لا لاذ ولجى به
هو ظلال لكل من ماله ظلال
عزوة للي طال به هم وعذابه
ومن يذوق المر لسنين طوال
واعد يافي يطيب الك الرجا به
وان حكى أبدع بتفنيد المقال
درب أبوة اليوم هو اللي مشابه
واصبح القدوة لنا مضرب مثال
ابو نايف كل مجد بنلقى به
كامل بكل شي ولله الكمال