وعبدالله المليك تجبر مصابه على الفقيد اللي رحل يوم الاثنين اودع وروح وانتحت به ركابه خلا البلاد اللي سكن بأرضها سنين ويموت في شوفه ولمسة ترابه وبكت عليه الدار والناس باكين تبكيه مدن المملكة مع هضابه الصمت عم الكون ليسار ويمين ومن الحزن ما شفت من بان نابه موت الفهد هز الموالي والاقصين في ذمتي مثله فلا ينصخا به اللي خدم شعبه ودنياه والدين وكم جود من جود العطايا سعا به وما من ما يعمل من أجل المسلمين يرجي رضا ربه ويرجي ثوابه يا الله يا منزل تبارك وياسين من الخطا والذنب تغسل ثيابه وتنزله بالخلد بين النبيين في منزل عند النبي والصحابه يا سامعيني بالدعا قولوا آمين الله كريم ولا يخيب الرجا به مرحوم يا راع الوفا موفي الدين يا العاهل اللي لك جلال ومهابه لو رحت ما حنا مع الوقت ناسين نذكرك باشراق الصباح وغيابه لكن عزانا فيك سقم المعادين اللي عليه من الموحد تشابه طلق الحجاج اللي يخوض الميادين وعنده على صعب المواقف صلابه ترجح على عدله جميع الموازين والخير في دربه ودرب مشى به قال الوطن وأهل الوطن داخل العين وفتح لهم عقله ولبه وبابه واقسم امام الشعب مرة وثنتين عبر الأثير وكل حي حكا به انه على القرآن فصح البراهين وسيف العدالة يمسكه مع نصابه ولا يقول ذا يعطي وهذاك بعدين ويضفي على الشعب السعودي سحابه ولا هي غريبة من سليل الميامين طبع لابو متعب ولا به غرابه للطيب به شاره ورمز وعناوين وقوله ليا قاله يحسب حسابه ضرغام لا سلطان كل السلاطين من حدته غبر الليال انتخى به ضد العدا ريف الضعوف المقلين غيث على من لاذ به والتجا به حنا لعبدالله نبايع موالين والله يمتع في قواه وشبابه ويسلم ابو خالد حكيم الحكيمين اللي عن الزلات يرفع جنابه ذخر البلاد اوالي العهد وامين رجم العدا عداه حتى رقابه عضيد عبدالله شوير له معين سيف سنان يشرف اللي عدا به الله يمد اعماركم يا وفيين تبقون يا ستر البلاد وحجابه فواز الفالح
