وش عاد لو أنه قريب مقره

المجلس اللي فيه واشي وبلاس
أبعد عنه مالك بخيره وشره
تجنبه ما دام وكراً للنجاس
وش عاد لو أنه قريبٍ مقره
النذل ماله مع هل الطيب مجلاس
وماله من التقدير مثقال ذرة
متقلباً يمشي على كل الأجناس
ومشاكل العالم تزيد مسره
يركض بعلما شين معدوم الأحساس
ولن كان علما زين بالقلب صره
ويلبيس العالم هناديم الأدناس
بالكذب فا عيون المخاليق ذره
لن شفت شكله قلت ذا خيرت الناس
وليا هرج لك قلت لله دره
كنه مع أهل الجود قدوه زمبرتس
ينصحك وأحيانا عليك يتشره
وليا كشفته قال أنا اسمع من الناس
مالي ومال الوقت حلوه ومره
هذا الذي حقه بالأقدام ينداس
ويضيق فيه الكون بحره وبره
محمد مذكر المغيبي العتيبي