بيرق العز

مشاعرٍ هزه غلا الدار بالقاف
وده بدار العز تكتب قصيده
المملكه قامت على عدل وانصاف
والله حماها بالسيوف الجريده
عبد العزيز السيف من نسل سياف
شيد منايرها بحكم العقيده
يطيب للشاعر سواليف وأوصاف
في ديرة بين العوالم فريده
يكفي سماها بيرق العز رفراف
مغروس في قلب الصحارى المديده
أخضر نمى به زرع مجدول الأصناف
والحرف الابيض يحكم السيف بيده
دستورها القرآن يا ناظم القاف
تحكم بشرع الله وسنة مجيده
يشهد لها العمار من حج من طاف
في خدمة البيتين خدمة رشيدة
الفهد قايدها ولد طيب الاسلاف
رقى بها للمجد وأرسى مشيده
للعالم المسلم غطى ستر ولحاف
لا واهني اللي بو فيصل عضيده
والنايب الأول للامداح خطاف
تخضع له إصعاب الامور العتيده
وسلطان مامثله كحيلان الأوصاف
الزود ينقص . . مع عطاياه وايده
حكامنا . . ونحبهم حب باسراف
حبٍ جرى للدم . . مجرى وريده
وبلادنا من دونه الروح تنعاف
حيدٍ بحلق اللي بخبثٍ يريده
ومنهو لفى بالدس للدار حواف
روحه بذاك اليوم ما هي سعيده
يبي يشوف من الكدر كل ما عاف
حتى ولو يخفي دروب المكيده
بالمدن والى بالمزارع والارياف
صيد الارانب مثل هذا نصيده
مادام عقله صار بالحيل خفخاف
ما ينفعه ذاك الردي في وعيده
دون البلاد رجال خافي وينشاف
وعزومهم لا يالهبيله عنيده
منهو بغاها صابه اليوم رجاف
لو الشجاعه كل ابوها رصيده
يا لله يا منزل تبارك والاحقاف
يا هازم الكفار ناصر عبيده
تحفظ وطننا من خبيثين الاهداف
اهل النوايا الفاسده والمريده
اهل الردا واهل الخزا بكل ميقاف
يا لله عساهم في جحيم وقيده