طريق الذكريات

آه يا صوت المواجع في طريق الذكريات
لا انتثر ليله على عيني وجرحي ما برى
لا انطلق رمح الملام وصوّب الخافق ومات
واسفهلّ الوقت كنه في عذابي ما درى
يا عذاب الوقت تكفى ما بقابي من حياة
انتهى حلم الليالي مير همِّي ما سرى
لى متى جرحي ينازع لي متى روحي شتات
لى متى عيني خطاها دمعها لامن جرى
لي متى ابلعها واسكت واقبل الجرح بسكات
لى متى سكرات موتي في عيوني تنقرا
يحتفل بي ياس عمري والأماني مكفنات
واحتفل في حلم ساكن تحت ريضان الثرى
لو قسيت الناس قالت ما بها حلم واناة
وإن رحمت اعتادوا جرحي لين عودي انبرى
خنجرك يا وقت هاته اسألك يا لله هااااات
وأغرسه في جوف قلبي نسني طعم الكرى
يا اموت بانهزامي وإلا أعيش بتضحيات
وارمي الدنيا خلافي بين بيع ومشترى