خطاك السو

من الكويت أتت هذه القصيدة المحملة بالصدق والحب والشعر:
خطاك السو يا راع الجمايل
يا صوت الحق ويدينه وسيفه
سعود المجد مشهود الفعايل
سمو الطيب شيال الكليفه
أمير قلوب وشعوب وقبايل
حبيب طويق مع وادي حنيفه
وليف الطايف هضاب ومسايل
ولفك موالفك وانته وليفه
تدوم بخير يا وافي الخصايل
وعسى الأيام لك دايم مريفه
على المعسر كما وبل الهمايل
ربيعه ما شكى المحتاج صيفه
كريم الكف مداتك جزايل
حليم الطبع لك نفس خفيفه
حكيم الرأي نقاض الفتايل
زعيم المجد والعز وحليفه
ومثلك بين خلق الله قلايل
وش اللي يمكن الشاعر يضيفه
وعلى قول القديميين الأوايل
تمر من بذرته يطلع قطيفه
عيالك مروية حد الصقايل
تغذوا من مباديك الشريفه
يا بالطولات عاشق كل طايل
بديت أعلى المراقيب المنيعه
دعت لك كل يمين بك تخايل
تشوق أفضالكم لو هي كفيفه
ودعى لك كل مظلومٍ يسايل
رفعت الظلم عنه وطاب كيفه
ودعت لك من ضمايرها عوايل
يابو الأيتام وأبوٍ للضعيفه
خطاك السو يا راع الجمايل
يا صوت الحق ويدينه وسيفه