ما شا الله عليك

يا قمر في السماء ما ناشك إلا المكوك
في سماك متربع يا ما شاء الله عليك
والله اني عليك أشفق من أمك وأبوك
مير وشلون تنزل لي وأنا اشلون أجيك
والله أني عليك أغار حتى من أخوك
لاجل عينك أبيع أغلى الملأ وأشتريك
فيه ناسٍ على دربي يحطون شوك
أشتكي من يحط الشوك ولا أشتكيك
كأني غبت لا يدخلك ريب وشكوك
قلبي اللي يحبك ذاكرك ما نسيك
ليتهم في غيابي يالغضي علموك
ياشريكي ويا روحي ويا أغلى شريك
أنت مثل الذهب بغلا الذهب لبسوك
شايفن في جبينك مثل نور التريك
كان للزين والخفرات ملك وملوك
أنت ملك جمال الكون وانت المليك