مرثية

رثاء في: قزعان بن مهيران الشيباني رحمه الله
مرحوم ياذرب الفعايل والايمان
ياعل مثواك الجنان العليه
في منزل الفردوس مع حور الاعيان
ويكفيك ربي شر نار لظيه
ياالله ياربي تبيح ابو سلمان
وعنه اتجاوز كل ذنب وخطيه
وتجزاه بالجنه وتجزاه باحسان
بجاهك يارب البيت رب البرية
الموت حق ولاعن الموت مزبان
كلن بيفنا فالحياه الدنيه
ومن قال هذي سنة الله فالانسان
أقول ما يستاهل الموت زيه
جنسه قليل بين حضر وبدوان
بين العوارف وين يلقا حليه
ينصاه من يلقاه يقضيله الشان
ريف الضعيف وعز منهو خويه
رجل سعا بالطيب في كل الازمان
تشهد له العربان في كل هيه
ترفع له البيضا على راس مابان
حيثه وريث الطيب راع الحميه
اله المعزه والوفا السمح عنوان
ويمناه في كل المراجل وفيه
عدٍ قراح ينحره كل ظميان
هداج تيما فالوقوت السنيه
ضلع منيف شوفته تجلى الاحزان
يذري ذراه وله عن الشمس فيه
راع العلوم الغانمه وين ما كان
وراع القنص والصيد بارض خليه
ليامن عطا قفرٍ نواويره الوان
وتخالفو ما بين هاذي وذيه
وعمار يا قصر مسويه قزعان
قصر يشرف كل قدم مجيه
بنبكيه طول الدهر والقلب حزنان
مادام فالاعمار باقي بقيه
ويبكي على فقد شباب وشيبان
والاجنبي قدام يبكي ذويه
محمد مفلح بن هويدي الشيباني