يوم العيد

عندما تشغل الدنيا الأقارب والأحباب عن فرحة العيد، ويكون الشعر موهبة، فإن القصيدة لابد أن تصبح جميلة.
تعال واسمع حكي ربعي والاطفال
تعال لحظه حط نفسك مكاني
مافيه شخص من المخاليق ما قال
بكره بيوم العيد ضحك واغاني
تعال شفني بينهم شبه تمثال
الكل حولي من السعادة نساني
إن جيت ابارك اذكر الهم والحال
اسكت وكن القلب عنهم نهاني
حاولت اجامل واخفي الحزن لو طال
حاولت لكن.. كل شي عصاني
اولهم الدمعة.. وشوقي.. والآمال
وآخرهم احساسٍ.. سكن في كياني
هذا وتو العيد.. باقي ولازال
وشلون أجل لو صار قربه ثواني
لو فيك خير.. وكنت عن جد رجال
خل اللي في يديك وتعال فمكاني