أبسط حقوقي

امسحك بعض احيان واحياناً اكتبك
وارجع واخطك خط بعد الكتابة
خطاك يبعدبك وعذرك يقرّبك
وما بين ذي وذي حط الإجابه
ولالك عليه حلف لاملت لنصبك
لاهزت الوجدان ريح الكآبه
يا صاحبي طيبك وساسك ومنسبك
ليا اصطفق موجه يهوز السحابه
مادامها اخلاقك تضاهي مناقبك
ساد الجمال ونازعته الحبابه
ووشاحك اللي تسحبه فوق منكبك
كفّه عن عيونك وشيل الغرابه
شفني وصلت حماك واقصى مضاربك
وداعبت قلبك واخترقت المهابه
وان جيت عاني رغم كبرك ومنصبك
حتى الجمال ازعلت حضرة جنابه
هذي تواقيعي على اقسى مطالبك
وهذا غرور يشوف سير انسحابه
وابسط حقوقي لو تعقّد حواجبك
علمتها عقبك فنون الخطابه
من شان ما تغتالها في تجاربك
لاحان ثارك والاوادم تشابه
يا صاحبي لاجيت ابمسحك واشطبك
انقشك دون شعور فوق الكتابه