ما لي خطيه

حتى أتوب ان كان ليه خطيه
والا تكرم ناج قلباً يناجيك
وافهم ترى نفسي عزيزه عليه
يا اللي ابيك وعارضتني مباديك
الحب يكتب للنفوس النقية
حاولت أضمك في ضميري وأخبيك
وصاحت جروحي في ضميري عليه
نفسي تعاف الزاد لا حل طاريك
ولا زاد حبك ترتعش لك يديه
مدري نهاية حب والا مناديك
ترضي غرورك لين تقسى عليه
ولا أظن نفسي يا عشيري بتغويك
تذل قلبي وانت نفسك نقية
اذكر حبيباً بالمحبة مصافيك
معطيك قلبه ثم روحه هديه
يا اللي أبيك وعارضتني مباديك
الحب يكتب للنفوس النقية
ناصر فهد السبيعي