(سارق العقل)

خص الشاعر والإعلامي الزميل شفق السريّع قراء صفحة (ملامح صبح) بقصيدته الجديدة(سارق العقل)وندعوكم المشاركتنا قراءته حيث يقول:
يمك خذاني (سارق العقل) مسروق
اللي تعوّذ منه وافين الالباب
لا هو غلا لا ولف لا حب لا شوق
شيٍ غريب و غربته تفتح ابواب
افوق مع طاريك و اغيب و افوق
و ارتاب من طاريك و ارتاح و ارتاب
حالة صراع اعيشها معك و اتوق
لمصارحك و اخاف من ردة اعتاب
يا مبتدا الإعجاب يا منتهى الذوق
يا اول مرور يشدني بين الاجناب
جيتي و طحتك تحت مدري على فوق
مدري حضرت اعجاب والا بلا اعجاب
بس الاكيد ان المشاعر لها سوق
في عالم الاعجاب و اسبابها اسباب
الا مشاعر خاطري شابها عوق
عجزت ادوّر عذر و اقفل به الباب
هذي حقيقة واحدٍ منك محروق
لا هوب لا سالم و لا هوب منصاب