يا عضيد الفهد..يا فزعة الشعب وذراه

جارك الله يا أبلج الوجه يالشهم العريب
يحفظك ربي تعالى ويحماك بحماه
يالشجاع الفيصلي النجيب اخو النجيب
يا بن من وحد جميع المذاهب في الصلاه
يابن من يسري الليالي ويجهم مثل ذيب
لين نامت نجد حره تحت فيّة عصاه
أدب الذيب وغدا فاجي الغرات اديب
بطح الذرعان لو كان بين يديه شاه
يابو الكف الندي يا عمى عين الحريب
يا عضيد الفهد يا فزعة الشعب وذراه
مجد ابومتعب على اللي يجارونه تعيب
والله إنه فارق بين ذاك وبين ذاه
هيبته هيبة وجانب سموه نفح طيب
فزعته فزعه وناره حطبها من عداه
من فناجيل الفخر ما ترك غير السريب
أشهد ان مرودن العز لإلبسه زهاه
جعل كبد ما تحبه ما تروا مالحليب
جعل عمره عمر الأهرام ومعمر فداه
ابومتعب دق في كبد شين الفال هيب
سكته عبر القنوات والعالم تراه
جاره الله من يد الغدر والعدو الصحيب
لابس ثوب الأخوة وغله في حشاه
سيدي حنا جنودك في اليوم العصيب
في المهمات الكبيره مغاوير ورماه
كلبونا لادعانا سموه نستجيب
وإن زهمنا ندمغ الروس وندوس الجباه
إن عقلنا نضرب الرأي بالرأي الصويب
وإن جهلنا عندنا الموت أحب من الحياه
والسلام ختام ما سال سيل مع شعيب
وعد ما حن الرعد في خيال وهل ماه
باسم آلاد غياث سقم المعادي والحريب
شاعر يعلن تفانيه ويجدد ولاه
عبدالله بن صمهود الغييثي الدوسري