سور الوطن

ما يفعل الارهاب مسلم حقيقي
جريمة شنعاء.. وياكبر الاجرام
من فئة مسار الطريقي
خوارجٍ قامت تخبط بالاوهام
اليا متى من غيها ما تفيقي
يا حيف يابناء موطني اللي مية عام
له حب بقلوب الخلايق عميقي
وياحيف يابناء موطني صرتوا اخصام
كيف الشقيق يجيز قتل الشقيقي
ويالفئه الضاله بري منك الاسلام
افعالكم فالمملكه ما تليقي
منها نشوف الدمع بعيون الايتام
شفنا اليتيم بدمع حزنه غريقي
ومنها المبان الفاخره راحت حطام
ومبنى المرور تشب فيه الحريقي
لاشك ما تبتل على كيف الاقزام
اللي لهم سد المتاقي نعيقي
لابد ما تفضح حقايقها الايام
وعليهم الارض الرحيبه تضيقي
حنا لوطنّا كلنا سور وحزام
نسد في وجه العدو الطريقي
اليا وقفنا وقفةٍ تشف الاسقام
تروح ياصف الخوارج طقيقي
وحنا رجال الامن للدين خدام
من رتبة الجندي لرتبة فريقي
فينا الشجاعه والبساله والاقدام
كلٍ على نيل الشهاده شفيقي
وحكامنا قيادنا اعز حكام
لهم الولا منا جديد وعتيقي
لهم محبه حطمت كل الارقام
وعهدٍ من الاجداد يبقى وثيقي
ما نستمع فيهم موارش ونمام
واللي زعل يضرب براسه طويقي
زهران عوض الله المطيري /مرور القصيم - بريدة