هذا الفعل مرفوض

حنا جنودٍ للوطن ضد الارهاب
يا دارنا بالأمن طبتي وطبنا
واللي ايغدر بك بيننا ما له احساب
الخاين الغدار به ما حسبنا
ضده بوقفتنا جماعات واحزاب
واهل الغدر من غدرهم ما ارتهبنا
خاب وخسر مسعى الردي والردي خاب
بأسباب فعله ويتحمل عتبنا
الأبرياء وش ذنبهم ياهل الأكذاب
يد الغدر طالتهم بكل مبنى
أطفال وشيوخ ونساء وش الأسباب
من قتلهم وش يقصد اللي حربنا
لا دين لا مذهب يقره ولا انساب
هذا الفعل مرفوض مهما حسبنا
يا سيدي نايف ترانا لك أحزاب
اليا اشتدت الأزمة وراكم حضبنا
اضرب بنا الكايد على كل مضراب
وخل العدو يصلاه حامي لهبنا
بقيادة اللي للبلد ستر واحجاب
فهد فهد لامن دعانا استجبنا