نلتف حول ملوكنا ما انفردنا

وش قصدكم يا أهل التزعزع والإرهاب
حنا إلى زاد التحدي صمدنا
أذناب ترسلكم محاقير الأحزاب
خبتم ويصعب نيلكم من بلدنا
حنا وطنا له سيادة وينهاب
غصباً عليكم للمعالي صعدنا
حصيلكم يا هل الحسد حرق الأعصاب
زدتم حسد حنا على العز زدنا
من شذ شذ ولا حسبنا له إحساب
لو من جسدنا نقطعه من جسدنا
متكاتفينٍ شعب وملوك وأصحاب
نلتف حول ملوكنا ما انفردنا
وليا اعتزينا ينكشف كل مرتاب
باصباعنا نعمي نظر من حسدن
على مدورة الفتن نقفل الباب
وأنظارنا ترصد لهم ما رقدنا
يبقى الصحيح ويندحر كل كذاب
حنا علمنا رافعينه بيدنا
وحكامنا آل سعود عربين الانساب
سادوا على شبه الجزيرة وسدنا
يمشون في شرع الولي رب الأرباب
اللي عليه بكل شيء اعتمدنا