ليل السعادة

آه يا سرع ليل بالسعاده مضى
ودي انه تمدد لو فقط بس.. عام
مر في سرعةٍ يسبق شعاع وضى
مر ماكنه الا لمحة في.. منام
كنت في فيضةٍ ما عندي الا الرضا
مابه الا القمر نوره يجوب الظلام
مع نسيم تعطّر به مجال الفضا
معه ريح البختري والنفل والخزام
ليل أدفا على قلبي وحبّه.. حضى
من صنوف الرضا والزين سر الغرام
ماتحسفت غير بعمري اللي مضى
كن عمري حبيس وسط سجن الملام!
لاذكرته ووقتي كن جمر الغضى
وسط قلبي وسقمه محرق للعظام
ليل اسرع بوقته مابغيته.. قضى!
دام انا والقمر في فيضة الانسجام!