ظلم المناوي

ياللي على بعدك طوى الحال طاوي
وينك تلاحق باقي الروح بوصال
بعدك عذاب اللي حياته شقاوي
لأحل طيفك والهوى يرفع الشال
القلب عقبك كن يكويه كاوي
من بعد قربك صار للهم منزال
عايش وكني وسط ربعي خلاوي
موجة شموخي تحدها صخرة الجال
بعدك عذابٍ زاد كبر الهقاوي
يا حسرة عيونٍ لها السهر مدهال
يا حرقة الفرقا وظلم المناوي
يالوعة الحرمان بعيون الاطفال
يالطف من الفتنة لنزوات غاوي
وأقسى من التدمير في عج زلزال
واقرب من الناموس بعيون ضاوي
وأبعد من التدنيس لشموخ الأبطال
يا أعظم ذنوب اللي لحبك هواوي
علم القا تبديد لحلوم الأنذال
تعال كان أنك على الوصل ناوي
أنكان همك شوفتي رايق البال
وترك كلام منقلين الحكاوي
أعمارهم تقضي مع القيل والقال
عقب العطش حالي من الهم راوي
هاذي حياتي كان تنشد عن الحال