أطهر بلد,, حقه بالأرواح نفديْْْْْْْْْْه

للوطن

تهنئة للوطن قيادةً وشعباً بمناسبة حلول عيد الاضحى المبارك اعْْْْْْْْاده الله على هذا الوطن وقائده باليمن والخير والمسرات:
كلٍ يهنّي لا لقى العيد غاليه
وحيث الوطن غالي أهنيه بالعيد
أطهر بلد حقه بالأرواح نفديه
محبته ما هي إبحاجه إلتأكيد
عاش الفهد للعز قادِه وحاميه
ما تلحقه وقت الشديد مناقيد
الخير والمعروف تندابه يديه
أمن وامان وخير ما فيه تنكيد
خيرٍ يعم الشعب والزود يعطيه
في كل ما يخدم للإسلام ويفيد
نصير من بعد الولي جاه ناخيه
له كلمةٍ تكفي عنه رفعة الايد
حجاج بيته دوم تشكر مساعيه
هو خادم البيتين يرعاه ويشيد
وعبدالله وسلطان عزه يباريه
عز الوطن وإعماي عين الحواسيد
مرحوم من وحد ترابه مسمِّيه
بالمملكة في يوم كنّه ضحى العيد
عساه بالفردوس ربه يجازيه
عمّا فعل متهني دوم سعيد
عبدالعزيز اللي قويّه عزاويه
لجله سرى يقطع قفار من البيد
مَن السيف جاه إبليل ترهب مساريه
بستين ينخاهم خيار الاواليد
وباوي صيدٍ صاد كل درى فيه
صقر الجزيرة هدته تفنى الصيد
بخمسة شهر شوال محدٍ بناسيه
جاها سديد الراي واصبح لها سيد
وغاب الجهل مع التعصب وأهاليه
وعمّ الفرح والشر ما له معاويد
والشعب عاش بخير يتبع مشاهيه
واهل الحسد من زود خيره ملاهيد
لجل الوطن من قلب قِلته اهنيه
قِلته وكل الشعب قاله تراديد
وصلّو على محمد رسوله إبتاليه
ما ناحت الورقا على مايل الغيد