عيد,, نعده من خيار العيادي انا اشهد انه يوم مبروك وسعيد ذعذع نسيمه ريح مسكٍ وكادي يوم مجيد,, تعم ذكراه وتعيد يومٍ به التوحيد والاتحادي يا كاتب التاريخ سجل تماجيد لآل السعود مطورين البلادي بالله خلد فعل الابطال تخليد وزيد الفعول الاوله بالجدادي لاخوان نوره طيبين الاواليد اهل المكارم طيبين المبادي ريف,, الضعيف اللي تحده حواديد ولجا لمن حده من الوقت حادي حكامنا اللي بالمواقف صناديد فهد,, وعبدالله كرام الايادي والنعم والله بالملوك الأماجيد سيوف العداله,, للعداله تنادي لاجل الوطن تبذل جميع المجاهيد واصبح وطنا له مكان ريادي رائد على كل الحضارات ويزيد ورفرف علمنا فوق كل النوادي والنائب الثاني محنك وصنديد راع الوفاء والجود رايه سدادي سلطان سلطانه يغيض الحواسيد سقم الحريب اللي براسه عنادي عاش ابو خالد زود الجيش تزويد زاد العدد قوة,,وزاد العتادي انجال ليثٍ وحد الشمل توحيد بالسيف الاملح فوق ظهر الجوادي عبدالعزيز مبدد الظلم تبديد أشعل منار الحق والأمن سادي العاهل اللي شيد الدين تشييد قاد المسيره للهدى والرشادي واليوم يايوم السعد والتساعيد أمن,, ورخاء,, ومعدل الخير زادي في عهد ابوفيصل بلغنا المقاصيد وهذا الكلام اللي نقوله وكادي وصلاة ربي عد من عيد العيد على رسولٍ للمخاليق هادي زهران عون الله المطيري مرور بريدة
