هذه محاورة جرت بين شاعرينا الكبيرين صياف بن عواد السحيمي ومطلق بن حميد الثبيتي رحمه الله. مطلق: الليله المعنى سحابٍ فوق صياف نو المطر قدمه ونوٍ من خلافه واللي دخل في عجته ما عاد ينشاف ما هو كما ما قيل وقفه وانحرافه صياف: ياللي تخيل البرق وانته راس مشراف البرق يفجع واحدٍ ماقط شافه عز الله اني فيك لا ورى ولا اعاف عينك تحركها وفي قلبك خلافه مطلق: حنا نعرف اصحابنا ونرد الاسلاف نقبل على المقبل ومن قفا نعافه ولا يذم للي لهم فالطيب ميقاف الا الذليل اللي على ظهره لحافه صياف: الزمل تهدر والحمول اثقال واخفاف وليا بغيت الصدق يا بعد المسافه ان كان طالب علم حج البيت واطاف وان كنت كاتب سجل اسمك فالصحافه مطلق: عزا الله انك كنت واقف فوق مهياف وان غبت عنا ما على مثلك حسافه تحمّد الله بعد جا للعلم محراف لا تستمع هرج الملقف واللقافه صياف: اليا رمينا بالسلاح تطيح الاهداف واليا لفانا الضيف يبشر بالضيافه حنا ترانا مانبا لك شر واخلاف ولو كان شفنا فيك لفه وانعطافه اختيار: زهران عون الله المطيري - بريدة
