ماله لزوم

يا ليل وش عاد انتظر منك يا ليل
الا السهر ومراقبي للنجومي
جددت في قلبي جروح مساميل
من بعدها ما تعرف العين نومي
ماله لزوم اتحط ياليل واتشيل
انا بنفسي ما عرف وش لزومي
كان السنين الماضية ميلها ميل
اليوم هانت مع قوي العزومي
ومن طاول الغربة يشوف الغرابيل
ولولا العزيمة كان ضاعت علومي
اجهدت نفسي والزمن زود الكيل
لكن رجا المخلوق لله يومي
واللي يلوم ايلوم وان صار به حيل
ولاني بناشد عنك ياللي تلومي
والرجل ما يجهل سلوم الرجاجيل
ومن بين ميزان الرجال السلومي
والصبر فيه من الفرج مثل ما قيل
ولا تضيق الا بوجه الرخومي
وابيك تسأل كيف!؟ وشلون يا ليل
وش هالنصيب اللي يطيح ويقومي