الغياب

طال الغياب وجيتك اسأل عن الحال
ولولا الغلا يا صاحبي كان ما جيت
كني لمحتك ترتجي لحظة وصال
أو طيفك اللي مرني يومك ابطيت
شوقي حداني لك غريبٍ ورحال
ودي ولا ودي اشوفك تسليت
مدري تذكرنا ودايم على البال
والا نسيت الناس يوم انك اقفيت
والا تكبرت بغيابك وتختال
والا تثاقلت السؤال وتناسيت
والا ضحية هرجة القيل والقال
والا بعد ما صرت غالي تغليت
والا تبي تجرح ضميري بموال
دامك على جرح الاوادم تغنيت
هذاك انا والليل للهم مرسال
ودمعة قلم ترثي لعلى لا تثكيت
فيني وفاء يطمع به الفين رجال
جيتك من الذكرى ولا جلك تعنيت
وفيني من البدوان عزه وترحال
اقا ليا منك قسيت وتماديت
ذكرى قديمه واشغلت بالي اشغال
فيها عهود ودمعتين وتناهيت