فيصل مثل هداج

هذه القصيدة مهداة إلى صاحب السمو الملكي الأمير/ فيصل بن خالد بن عبدالعزيز آل سعود
طوقني المعروف من معاريف جزال
اللي لامد الطيب ما يختار غير من اجزله
فيصل ولد خالد ولد عبدالعزيز ولا يقال
الا ونعم فيه والنعمين في طاري هله
فيصل مقر الجود وآراهن وياولاد الحلال
انه بجوده في هذاه الوقت ما حد يجهله
انشهد انه جامعن من طيب عم وطيب خال
لين اكتمل طيبه وعدى في سنام المرجله
فيصل مثل هداج ورده مايشيلون الحبال
عدٍ على حد الوطى نبعه وصافٍ منهله
فيصل هذاك الشامخ اللي راسين مرسى الجبال
شامخ من افعاله من اقواله ومن جد عمله
كريم سبلا في القسى واللين وصعاب الليال
والمال ما حسب ملايينه ولا عد هلله
تهدى له البيضا وتنشر له على روس الطوال
واظن كلمة نعم ما تطمح وترضى ببدله
فيصل لياجا فالزمن ميله وجافيه اعتدال
اليا اعتدل ما ميله وان مال قام وعدله
امبدل الاحوال بعد الله من حال لحال
اليانخيته تم مطلوبك تريح وازهله
رايه سديد وكلمته حكمة ولو طال الجدال
ضليع بذري فالمخاطر والسنين المذهله
والشعر مع طاريه يسترسل ويمشي باختيال
لأنه يوضح سيرة فيها تقال الامثلة
يا الله ثم يا الله يا الفرد الصمد ياذو الجلال
تحييه وتعافيه فالدنيا وترفع منزله