جوهرة نجد

ولا يهان السعودي رافع الراس فوق
عاليه بالسما عن كل نجسٍ حقود
فوق عن كل خاين في عهوده يبوق
عاليه فوق نجد وكلنا لك نجود
كل غالي نسوقه من غلاوتك سوق
عاصمة للسلام وكل الامة شهود
وبالمكارم تفوق بكل هقوة تفوق
ما تغير بها وجهك ولون الورود
ولاسرق من جمالك كل خاين سروق
ما يخونك وفيء يام القليب الودود
ولا يضيع جميلك غير جاهل عقوق
فيك للدين نصر وفيك شرع وحدود
وفيك سيف العدالة للمجرمين طوق
وفيك مسجد يصلى به ركوع وسجود
وفيك مصحف ترتل به جميع الحلوق
والفهد لك وليف وقائدٍ للفهود
وكلنا لك فداء وللمعادين عوق
يا رياض الجنان ويا عرين الأسود
أنتي للعين منوتها وللقلب شوق
هايم فيك كلي يارشا يا عنود
أنتي جسمي وروحي وأنتي نبض الخفوق
فيك زود الجمال وفيني الحب زود
حبك اللي سكن قلبي سرا بالعروق
جوهرة نجد ما غيره بمثلك يجود
جوهره بالقلوب ولا أنتي في كل سوق
عطرك الورد يا حلوه ونسمتك عود
وبسمتك يا عروس الكون شمس الشروق
كلنا لك حماه وكلنا لك جنود
من هقابك لقى دونك رعود وبروق
ما نمد الكفوف لخاينين العهود
ولا نصافح يدٍ شبت بوجهك حروق
ما يبع الوطن الا عبيد النقود
ولا يكثر النباح الا وسيع الشدوق
وما جحد خيرك الا كل نذل جحود
ولا نعق في الخرائب غيربوم نعوق
وما يجيب الغراب الا غرابين سود
ولا يجب الحموق الا شبيه حموق
ما حسبنا حسابه كل ذاهب شرود
فاسقٍ راح يتبع له سواته فسوق
مدمعين لعيون ولاطمين الخدود
وبايعينه بضاعه لستوا فيه سوق
مات غيض الجبان ومات غيض الحسود
لو يبي من ترابك في فمه ما يذوق
ما تهان الرياض وشيخها بن سعود
ولا يهان السعودي رافع الراس فوق
عامر محمد الكناني
الأمن العام- شرطة الطائف