الله يطهرك ويعينك

هذه القصيدة في رثاء الشاعر فواز الديري «رحمه الله»
يا اللّه يالي عظيم ومعتلي شأنك
سبحانك الأمر والتصريف بيدينك
ترحم عديم توفا وانت سبحانك
رحمتك املنا وراضينك وراجينك
فواز يا نادرٍ قدبان برهانك
خلدت مجدٍ موثقته براهينك
يا قل شكك يا بو خالد مع أسنانك
بالفعل والصيت والعراف مغلينك
غلاك يابو الوفاء بقلوب صدقانك
يا ليت بعض البشر للموت فادينك
سيرتك سيرة بطل والمجد عنوانك
منته بحاجت يوصونك موصينك
ما كبر فقيدتك في ربعك وحيانك
الله يطهرك يا فواز ويعينك
الله يرحمك عقب أخذك ديانك
وعساك تاخذ كتاب الفوز بيمينك
في جنت الخلد منزلك ومسكانك
ويجمعك رب البرايا مع مودينك
يا رب رحمتك وحسانك ورضوانك
بسماك يالقادر الرحمن داعينك
يا منجي أهل الغرق عفوك وغفرانك
رحمتك نرجوك تكتبنا مطيعينك
يا العبد لازم تصون السانك حصانك
قدام للتهلكه يرميك ويهينك
طهر ضميرك وحاول تقضب السانك
راقب عظيمٍ مراقب واحتفظ دينك
لا بدك مفارقٍ ربعك وخلانك
اليا وقف دم قلبك في شرايينك
أخلص لربك لياطعت الولي عانك
وليا عصيته تولنك شياطينك
حافظٍ على صحبة المؤمن من اخوانك
وابعدليا شفت لك ناس معادينك
وارف المشاكل ولحفها من اردانك
الن غيرك ريا جيلٍ مكفينك